*ಅಪ್ಸರೆ*

ಭಾವಗೀತೆ
-----------
 

    *ಅಪ್ಸರೆ*

ನಾ ಕಂಡ ಚೆಲುವೆಯರಲ್ಲಿ
ನೀನೋರ್ವಳೆ ಅಪ್ಸರೆ.
ಎನ್ನ ಹೃದಯ ಬೆಳಗುವುದು
ನೀ ಬಳಿ ಬಂದರೆ.
ಅಪ್ಸರೆ... ಪ್ರೇಮ ಧಾರೆ..|ಪ|

ಆ ನಿನ್ನ ಸುಂದರ
ಕಣ್ಣಿನ ಹಣತೆಯೊಳು
ಬಿಂಬತೈಲ ನಾನಾಗಿ
ನೆಲೆಸುವ ಆಸೆ,
ನೋಟದ ಕುಡಿಯಿಂದ
ಒಲವದೀಪ ಹೊತ್ತಿಸಿ
ನಿಸ್ಸಂಕೋಚದಿ
ತೋರು ನಿನ್ನಾಸೆ.
ಭಾವಶೃಂಗದ ಉತ್ತುಂಗವ
ಏರಿ ನಿಲುವ ಆಸೆ.
ಅಪ್ಸರೆ... ಪ್ರೇಮ ಧಾರೆ..|೧|

ಮನದ ಬಯಕೆ ಬೆತ್ತಲು,
ಎದೆಯಲಿ ಬರಿ ಕತ್ತಲು
ಕಾಣಲಾರದಾಗಿದೆ
ಎನೊಂದು.
ಪ್ರೇಮ ದೀಪ ಹೊತ್ತಿಸು
ಆಸೆಗಳು ಕಾಣುವವು
ಒಂದೂ ಬಿಡದೆ ಈಡೇರಿಸು
ಬಳಿ ಬಂದು
ಪ್ರೇಮಲೋಕದಲಿ ನೆಲೆಸೋಣ ಎಂದೆಂದೂ.
ಅಪ್ಸರೆ... ಪ್ರೇಮ ಧಾರೆ..|೨|
------------------...✒ *ತ್ರಿನೇತ್ರಜ.*