ಕನ್ನಡ ಕವನ 'ಮರೆಯಲಾರೆ '.

ಮರೆಯಲಾರೆ 

ಆ  ಹರೆಯದ ದಿನಗಳ 

ಮಧುರ ರೋಮಾಂಚನಗಳ 

ಹೊಸ ಬಗೆಯ ಅನುಭವಗಳ

ನಾ ಮರೆಯಲಾರೆ. 

ಜಗವ ನೋಡುವ ಪರಿ,

ತಪ್ಪದ ಹರಟೆ ಕಟ್ಟೆ ಹಾಜರಿ,

ಕಣ್ಮನ ಸೆಳೆಯುತಿದ್ದ ಪೋರಿ,

ನಾ ಮರೆಯಲಾರೆ.

ಸ್ಪರ್ಧೆಗೆ ಸಿದ್ದವಾಗುತ್ತಿದ್ದ ರೀತಿ 

ಪ್ರೋತ್ಸಾಹಿಸಿದ ಗೆಳೆಯರ ಪ್ರೀತಿ

ಗೆದ್ದ ಹಲವು ಬಹುಮಾನ, ಪ್ರಶಸ್ತಿ

ನಾ ಮರೆಯಲಾರೆ. 

ಚಿತ್ರಮಂಜರಿಗಾಗಿ ಕಾತರ

'ಮಹಾಭಾರತ'ಕ್ಕಾಗಿ ಆತುರ

ಕ್ರಿಕೆಟ್, ಸಿನಿಮಾ ಲೋಕವಿಹಾರ

ನಾ ಮರೆಯಲಾರೆ. 

ಪರೀಕ್ಷೆಗೆ ಪಟ್ಟ ಪ್ರಯಾಸ

ದೇವರುಗಳ ಮೇಲಿಟ್ಟ ವಿಶ್ವಾಸ 

ಫಲಿತಾಂಶದಿಂದುಂಟಾದ ಸಂತಸ

ನಾ ಮರೆಯಲಾರೆ. 

ಇತಿಹಾಸಕ್ಕಿಳಿದ ಪುಟಗಳು 

ಆ ಅಚ್ಚಳಿಯದ ನೆನಪುಗಳು.

ಬಣ್ಣ ಮಾಸಿದ ಅಂದದ ಚಿತ್ರಗಳು  

ಆ  ಹರೆಯದ ದಿನಗಳು.

ಶಿವಕುಮಾರ. ಹಿರೇಮಠ.

ಸರ್ಕಾರಿ ಪ್ರೌಢಶಾಲಾ ಶಿಕ್ಷಕರು.