ಕನ್ನಡ ಕವನ 'ಕರಿಮಾಯಿ'.

                    ಕರಿಮಾಯಿ 

      ಕಾಳಧನವೆಂಬ ಕರಿಮಾಯಿ,
      ಖೂಳರ ಶಿರವನೇರಿರಲು;
      ಶ್ವೇತಲಕ್ಷ್ಮೀ ಕಠಿಣಾಮಯಿ,
      ಬಡವನ ಬೆವರಿಳಿಸುತಿರಲು;
      ಬಡರಾಜ ಪರಿತಪಿಸಿ ಭಜಿಸುತಿಹ
      'ನಮೋನಮೋ'  'ನಮೋನಮೋ'.

           ಸ್ವಂತತೆಯ ಬಲ ಬಂದೊದಗಿ
           ಸಪ್ತ ದಶಕಗಳು ಕಳೆದಿರಲು;
           ಗಲ್ಲಿಗಲ್ಲಿಗೂ ಕರಿಮಾಯಿ ನುಗ್ಗಿ, 
           ಭ್ರಷ್ಟ ಬಾಹುಗಳ ಚಾಚಿರಲು;
           ಮತದಾರ ದೀನನಾಗಿ ಕೂಗಿಹ
           'ನಮೋನಮೋ'  'ನಮೋನಮೋ'.

     ಸ್ವೇಚ್ಛೆಯು ಬಲ್ಲಿದರಿಗಾಗಿ
     ಸೆರಗಹಾಸಿ, ಸೆಳೆಯುತಿರಲು;
     ಸರ್ವಸುಖಸೌಖ್ಯಗಳಿಗಾಗಿ
     ಕರಿಮಾಯಿ, ಕನಸಬಿತ್ತುತಿರಲು;
     ಭರತವಾಸಿ ನಂಬಿ ಕರೆಯುತಿಹ 
     'ನಮೋನಮೋ'  'ನಮೋನಮೋ.
                        
                    ಶಿವಕುಮಾರ.ಹಿರೇಮಠ.   
                    ಪ್ರೌಢಶಾಲಾ ಆಂಗ್ಲ ಶಿಕ್ಷಕರು