ಓ ನನ್ನ ನಲ್ಲೆ

ಓ ನನ್ನ ನಲ್ಲೆ

         
💗💗💗💖💗💗💗
     
ಕುಣಿವಾ ಬಾ ಎನ್ನ ಚೆಲುವೆ.
ಬೇಡ, ನಮಗ್ಯಾರ ಪರಿವೆ.
ಸೆಳೆದಿದೆ ನಿನ್ನಯ ಒಲವು .
ಸೋತಿದೆ ಪ್ರಕೃತಿಗೆ ಮನವು.

ಇಳೆಗೆ ಮನಸೋತ ಭಾನು,
ಬಾನಲಿ ಚಿತ್ರ ಬಳಿದಿಹನು.
ಆ ನೇರಳೆ, ತಿಳಿಹಸಿರನ್ನು
ಹರಡಿ ಹಿನ್ನೆಲೆ ನೀಡಿಹನು.
'ಮಿಲನಕೆ ಮುನ್ನುಡಿಯಂತಿದೆ ನೋಡು, ಲಾಸ್ಯವಾಡು' ಎನುತಿಹನು.

ಮನದ ದುಗುಡನು ತೊರೆದು,
ಚಿಂತೆಯ ಕಾರ್ಮೋಡ ಕಳೆದು,
ಜಗವೆದುರಿಸೋ ಛಲವ ತಳೆದು
ನರ್ತನ ಗೈಯೋಣ ಬಾ ಇಂದು.
ಜೊತೆಯಲೆ ಸಾಗುವೆ ಓ ನನ್ನ ನಲ್ಲೆಯೆ
ನಿನ್ನ ಕೈಹಿಡಿದು ಎಂದೆದು.
..... .... .... .... ..... ..... ....
✍..ತ್ರಿನೇತ್ರಜ.

ಶಿವಕುಮಾರ.ಹಿರೇಮಠ.